İran Xarici İşlər Nazirliyinin sözçüsü ABŞ-ın İran İslam Respublikası Kəşfiyyat Nazirliyinə qarşı sanksiyalarını pisləyib və bildirib ki, Albaniya hökuməti və xalqı ABŞ-ın İrana qarşı hazırladığı ssenarinin qurbanıdır.

Az.rasthaber.com xəbər verir ki, İran İslam Respublikası Xarici İşlər Nazirliyinin sözçüsü Nasir Kənani bildirib ki, ABŞ-ın İran Kəşfiyyat Nazirliyinə qarşı qərarı əvvəlki sanksiyalarda olduğu kimi, İran xalqının təhlükəsizlik işçilərinin vəzifələrini yerinə yetirməkdə zərrə qədər problem yaratmayacaq.

Kənani daha sonra bildirib:

"ABŞ-ın dərhal Albaniya hökumətinin İran İslam Respublikasına qarşı əsassız ittihamlarını dəstəklədiyini bildirməsi və sonra bu əsassız iddialar əsasında İran İslam Respublikasının Kəşfiyyat Nazirliyinə və Kəşfiyyat Nazirinə tez bir zamanda sanksiya tətbiq etməsi aydın şəkildə göstərir ki, bu ssenarinin tərtibçisi Albaniya hökuməti deyil, ABŞ hökumətidir".

Kənani açıqlamasının davamında deyib:

"Tirana ABŞ-ın İran İslam Respublikasına qarşı hazırladığı ssenariyə qurban verilir.

İllərdir ki, ABŞ Albaniya hökumətini və xalqını terror təşkilatına ev sahibliyi etmək məcburiyyətində qoyub və sözügedən terror təşkilatına geniş dəstək verib, onları kiberməkanda öyrədib və təchiz edib. 

Bu cinayətkar terror təşkilatı hələ də ABŞ-ın terror aktları, kiberhücumlar və İran hökumətinə və millətinə qarşı psixoloji müharibə üçün istifadə etdiyi alətlərdən biridir".

Kənani açıqlamasının sonunda, Albaniya hökumətinin terror təşkilatına ev sahibliyi etməsini və ABŞ-ın 17 mindən çox İran vətəndaşını qətlə yetirmiş bu təşkilatdan öz məqsədləri üçün alət kimi istifadə etməsini terrorçulara mütəşəkkil dəstəyin bariz nümunəsi kimi qiymətləndirib.