İranın BMT-dəki (BMT) daimi nümayəndəsi Səid İrəvani ABŞ-ın insan haqları anlayışından sui-istifadə etdiyini bəyan edib.

ABŞ və Albaniyanın çağırışından sonra BMT Təhlükəsizlik Şurası dünən İranla bağlı qeyri-rəsmi iclas keçirib.

İranın BMT-dəki daimi nümayəndəsi Səid İrəvani dünən Nyu Yorkda mətbuata verdiyi açıqlamada BMT Təhlükəsizlik Şurasının iclasını tənqid edərək, ABŞ-ın yalan və aldatma siyasəti ilə psixoloji əməliyyata əl atdığını bildirib.

"ABŞ bu görüşü insan haqlarını qorumaq üçün təşkil etdiyini iddia edir. Amma ən ironiki odur ki, iranlılar ABŞ-ın amansız sanksiyalarının, o cümlədən qida və sağlamlıq dərmanlarının ən böyük qurbanlarıdır.", - deyən İrəvani ABŞ-ı dəyərli insan haqları konsepsiyasından və BMT institutundan sui-istifadə etməkdə ittiham edib.

İrəvani bildirib ki, Amerika İranda insan haqları ilə bağlı heç vaxt narahat olmayıb.