İordaniya parlamentinin 59 deputatı sionist rejim ordusunun fələstinli qadınlara göstərdiyi hörmətsizliyi pisləyib və bu rejimin səfirinin deportasiya edilməli olduğunu vurğulayıb.

Az.rasthaber.com xəbər verir ki, İordaniya parlamentinin 59 üzvü fələstinli qadınlara qarşı hörmətsizliyi pisləyib və sionist rejimin Əmmandakı səfirinin deportasiyasını tələb edib.

Sionist rejimin “Haaretz” qəzeti cümə axşamı günü yazıb: Sionist rejim qüvvələri Hebrona hücum zamanı 5 fələstinli qadını axtarış etmək üçün soyunmağa məcbur ediblər.

Bu iordaniyalı deputatlar aşağıdakı bəyanatları veriblər:

“İordaniya hökuməti sionistlərin bu alçaldıcı hərəkətini pisləyərək reaksiya verməlidir. Ona görə də İordaniya terrorizmin və istibdadın paytaxtı Təl-Əvivdən öz səfirini çağırmalı və nə lazımdırsa etməlidir”.

Bu iordaniyalı deputatlar həmçinin dünya parlamentlərindən bu hərəkəti və sionist rejimi və onun insanlığa qarşı cinayətlərini, beynəlxalq qanun və razılaşmaları pozmasını pisləyib, bu məsələ ilə bağlı əməli addım atmalarını istəyiblər.

Bu siyasətçilər vurğulayıblar: “Bu cinayət sionist rejim ordusu və kabinetinin mənəvi fəsadının miqyasını göstərir. Sionistlər tərəfindən törədilən bu cinayətlər və qətllər BMT, xarici parlamentlər və insan haqları institutları da daxil olmaqla beynəlxalq sükutun nəticəsidir”.