Kərbəlada İmam Hüseynin (ə) ziyarətgahı kompleksində anbarların birində yanğın baş verib.

Az.rasthaber.com SalamNews-a istinadən xəbər verir ki, aidiyyatı qurumları yanğının ziyarətgah kompleksinin "əl-Əqilə səhni"ndə yerləşən və hərəmdə istifadə edilən xalça-palaz anbarında baş verdiyini bildiriblər.

Yanğın söndürən qrupların müdaxiləsindən sonra yanğının qarşısı alınıb.

Yanğının baş verdiyi ərazi tikinti işlərinin davam etdiyi obyektlər olub.

Bu hadisədə kimsə xəsarət almayıb.