İdlib əyalətinin cənubunda “Cəbhat ən-Nusra” qruplaşmasının (digər adı Heyət Təhrir-Şam) özbəklərdən ibarət bir qrupun mövqeləri hava və artileriyadan hədəfə alınıb.
Az.rasthaber.com SalamNews-a istinadən xəbər verir ki, bu barədə hərbi mənbələr məlumat veriblər.
Bildirilib ki, ötən gün İdlib əyalətinin cənubunda Cəbəl-Zaviyə rayonu ərazisində “Cəbhat ən-Nusra” qruplaşmasının (digər adı Heyət Təhrir-Şam) özbəklərdən ibarət bir qrupunun mövqeləri hava və artileriyadan hədəfə alınıb.
Məlumata görə silahlı qrup Suriya Ordusu ilə cəbhədə diversiya əməliyyatı ilə təxribat ötərətmək istəyib. Helikopter və artileriyadan zərbələr nəticəsində özbəklərdən ibarət silahlı qrupun 15 üzvü zərərsizləşdirilib.
Hərbi mənbələr İdlib cəbhəsində bölgələrə nəzarət baxımından dəyişikliyin baş vermədiyini bəyan edirlər.
