Human Rights Watch ötən ili fələstinli uşaqlar üçün ən qanlı illərdən biri kimi xarakterizə edib.
Az.rasthaber.com xəbər verir ki, sionist ordu Fələstin xalqına qarşı cinayətlərini gücləndirdi və bütün qaydalar, qanunlar və beynəlxalq konvensiyalara zidd olaraq fələstinli uşaqlara qarşı ən ağır cinayətləri törədib.
Human Rights Watch təşkilatının bu mövzuda hazırladığı hesabatda; Sionist rejim ordusunun fələstinli uşaqlara qarşı qətliam əməliyyatları və edamları da daxil olmaqla, böyük cinayətlər törətdiyini üzə çıxarıb.
Bu insan haqları təşkilatının bəyanatına görə, ötən il fələstinli uşaqlar üçün son 15 ilin ən qanlı ili olub və həmin il 23 fələstinli uşaq şəhid olub.
Hesabatın başqa bir hissəsində İsrail ordusunun 2022-ci ilin noyabrından 2023-cü ilin martına qədər fələstinli uşaqlara qarşı həyata keçirdiyi ən azı dörd qətl əməliyyatının sənədləşdirildiyi vurğulanır.
Bu hesabatın bir hissəsində deyilir:
"21 oktyabr 2022-ci ildə təsadüfən Cenin düşərgəsi yaxınlığında məktəbə gedən 17 yaşlı fələstinli yeniyetmə Mahmud əl-Sədinin şəhid olması da bu hadisələrdən biridir.
O, həmin gün küçənin küncündə dayanaraq döyüşün bitməsini gözləyirdi və “Human Rights Watch”un müşahidə etdiyi ərazidəki CCTV kameralarından əldə edilən görüntülərə görə, əlində heç bir silah və ya şübhəli heç nə olmayıb. Lakin döyüşlər dayansa da, ərazidə heç kim olmasa da, o, İsrail hərbi maşınının içərisindən 100 metr məsafədən atəşə tutulub.".
