HƏMAS bu gün yaydığı bəyanatda, heç vaxt müqavimətdən əl çəkməyəcəklərini və "Qüds qılıncı"nın müqəddəs və milli dəyərlər naminə Fələstin xalqının mübarizə mərhələlərindən biri olduğunu vurğulayıb.
Az.rasthaber.com "İRNA"ya istinadən xəbər verir ki, HƏMAS Şəhidlər Həftəsi münasibəti ilə yaydığı bəyanatda, müqəddəs prinsiplərə uyğun olaraq, Qüds və Məscidül-Əqsa uğrunda şəhid olanların qanıyla rəng qazanmış bayrağın yerə buraxılmadan, işğalçı sionist rejim yox olana qədər nəsildən-nəslə keçəcəyini bildirib.
Fələstin İnformasiya Mərkəzinin də yayımladığı bu bəyanatın davamında, Həmas-ın qurucusu Şeyx Əhməd Yasinin şəhadətinin 18-ci ildönümündə, onun sözləri və nəsihətlərinin hələ bu gün də Fələstin xalqının qəlbində və zehnində qaldığı və Həmas-ın heç vaxt müqavimətdən əl çəkməyəcəyi, həmçinin, "Qüds qılıncı"nın müqəddəs və milli dəyərlər naminə Fələstin xalqının mübarizə mərhələlərindən biri olduğu bildirilib.
Həmas Fələstin liderlərinin terror edilməsini, düşmən tərəfindən həyata keçirilən və əsla Fələstin xalqının əzm və iradəsini zəiflədə bilməyəcək, nəticəsiz boş cəhd adlandırıb.
Bəyannamənin sonunda, Həmas hərəkatı vəhdət təşkil edən mübarizə strategiyasının əhəmiyyətini vurğulayaraq, bu istiqamətdə bütün fələstinli hərəkatların, qrupların, dinamik cərəyanların və bütün İslam millətinin Fələstin xalqıyla birlik istiqamətində potensialının istifadə edilməsinin vacibliyini qeyd edib.
