HƏMAS Hərəkatının Siyasi Büro üzvü Üsamə əl Həmdan Livanın paytaxtı Beyrutda HƏMAS-ın ofisində keçirdiyi mətbuat konfransında sionist İsrailin rədd etdiyi “atəşkəs və məhbus mübadiləsi razılaşması” və Qəzza zolağındakı hadisələrlə bağlı açıqlamalar verib.

Az.rasthaber.com xəbər verir ki, Qətər və Misirin vasitəçiliyi ilə Qəzza zolağında tam və qəti atəşkəs və hərtərəfli məhbus mübadiləsi üçün Parisdə keçirilən “razılaşma” danışıqlarına İsrail nümayəndələrinin şəxsən qatıldığını və təsdiqləndiyini ifadə edən Həmdan deyib:

"Biz İsrailin cavabından gördük ki, o, Paris razılaşmasından geri çəkilib və xalqımıza qarşı hücumları dayandıracaq razılaşmanın əldə edilməsinə şərtlər və maneələr qoyub"

İsrailin Paris razılaşması təklifinə verdiyi cavabın məzmununa qismən toxunan Həmdan bildirib:

"Bu, Qəzza zolağında insanların sərbəst hərəkətinə, köçkünlərin öz evlərinə qayıtmasına və ya işğal qüvvələrinin Qəzza zolağından tamamilə çıxarılmasına zəmanət vermir. Eyni zamanda, işğalçıların əsir mübadiləsi ilə bağlı təkliflərinə baxanda görünür ki, razılığa gəlməkdə ciddi deyillər".

Qəzzaya qarşı davam edən müharibədə Netanyahunun siyasətinə də toxunan Həmdan deyib:

“Netanyahunun davranışı və mövqeyi onun siyasi gələcəyi ilə bağlı hesablamalarından vaxt qazanmaq üçün müharibəni uzatmaq, heç bir razılaşmanı qəbul etməmək və qaçmaq siyasətini həyata keçirdiyini təsdiqləyir".