Fələstin İslami Müqavimət Hərəkatının (Həmas) sözçüsü Fevzi Bərhum bildirib ki, sionist əsgərlərə mülki insanları qəsdən öldürməyə icazə verilməsi işğalçı rejimin iyrənc simasını ortaya qoyur.

Az.rasthaber.com xəbər verir ki, Həmas sözçüsü açıqlamasında bildirib ki, sionist rejimin baş naziri Yair Lapidin sionist əsgərlərin İordan çayının qərb sahilində dinc əhaliyə atəş açmasına icazə verməsi ilə bağlı açıqlamaları işğalçıların mütəşəkkil cinayətlər törətməkdə israrlı olduğunu göstərir.

Berhum, bu cəhdin fələstinlilərin öldürülməsinin soyuqqanlı rəsmi etirafından ibarət olduğunu və bu qətllərin Fələstin xalqının öz torpaqlarını işğaldan tam azad etmək və mühacirləri öz vətənlərinə qaytarmaq üçün müqavimət yolunda hərəkətə keçməsinə mane olmayacağını bildirib.

Qeyd edək ki, sionist rejimin baş naziri çərşənbə günü açıqlamasında, heç bir sionist əsgərin mühakimə olunmasına icazə verilməyəcəyini bildirib.