Hizbullah İslam Müqaviməti İsrailə qarşı uğurlu əməliyyatlar həyata keçirdiyini açıqlayıb.

Az.rasthaber.com xəbər verir ki, məlumata görə,  İsrail ordusunun “Stella Maris” dəniz bazasına (Şimali sahildəki dəniz izləmə və nəzarət üçün strateji bazadır), Livan-Fələstin sərhədindən 35 km uzaqlıqda, Xeybər əməliyyatları çərçivəsində, keyfiyyətli raket atəşi ilə hücum edib.

İslam Müqaviməti, “Elyakim” bazasına (İsrail işğalçılarının Şimal bölgə komandanlığına aid təlim düşərgələri olan bazaya) qarşı da pilotsuz uçuş aparatı (PUA) döyüşçü qrupları ilə hava hücumu həyata keçirib. Bu baza, Livan-Fələstin sərhədindən 50 km məsafədə, işğal altındakı Haifanın cənubunda yerləşir və hədəflərinə dəqiq zərbələr endirilib. Həmçinin, İslam Müqaviməti, İsrail işğalçı ordusunun 146-cı briqadasının logistika bazasını (Nahariya şəhərinin şərqində, Netiv Haşayara kəndinin şimal-şərqində) və “Jal Alamm” sərhəd məntəqəsini, “Dovif” qarnizonunu raketlərlə vurub.

Eyni zamanda, Livan sərhədində, İslam Müqaviməti, İsrail ı tərəfindən işğal edilmiş “Saas’a”, “Mənara”, “Hanitə”, və “Şlomit” mülki yaşayış məntəqələrini, Hula və Merkabə kəndləri arasındakı əraziləri, həmçinin Addise kəndinin kənarını, “Xəzən” yaxınlığında, “Əmrə” bölgəsindəki İsrail qüvvələrinin toplaşdığı yeri raketlərlə hədəfə alıb. Həmçinin, İsrail ordusu ilə qarşıdurmada Kiryat Şəmona  və Tairxəfə kəndinin qərb sərhədində toplaşan İsrail əsgərləri də raket zərbələri ilə hədəfə alınıb.

Müqavimət qüvvələri Maroun kəndinin şərq sərhədində və “Yərün” müstəmləkəsində yerləşən İsrail hərbi yığıncaqlarını da raketlərlə vurub. Hizbullah Şimali bölgənin müxtəlif mülki yaşayış məntəqələrinə xəbərdarlıq edərək, bu bölgələrə qarşı da raket hücumları həyata keçirib. Bu təzyiqlər çərçivəsində, Nahariya şəhəri və “Yesod HaMa’alah” məntəqəsi də raket atəşinə tutulub.

Müqavimət, “Dişon” və “Biram”, “Yərün”, “Məlikiya” və “Kfar Yoval” məntəqələrini də vurub. Həmçinin, “Yərün” və “Ain Yaqub” müstəmləkələrinə qarşı da pilotsuz uçuş aparatı (PUA) hücumları həyata keçirilib və hədəflər dəqiqliklə vurulub.

Bundan əlavə, İslam Müqavimətinin hava müdafiə bölməsi, İsrailin “Hormuz 450” tipli pilotsuz uçuş aparatını Şərqi sektorun hava məkanında yerə endirib.

İslam Müqaviməti, ilk dəfə olaraq, İsrailin “Tel Haim” bazasını (hərbi kəşfiyyat şöbəsinə aid) 120 km uzaqlıqda, Tel-Əviv şəhərində raket atəşi ilə hədəf alıb.

Livan Hizbullahı İslam Müqavimətinin, Cənubi sərhəddəki Merkabə kəndi ətrafında İsrail ordusunun toplandığı mövqeləri izləyərək həyata keçirdiyi hədəf hücumunun görüntülərini yayımlayıb.