Sionist İsrailin Qəzza zolağına hücumları davam edərkən, Livandan İsrailə təxminən 30 raket atılıb.

Az.rasthaber.com xəbər verir ki, Dəmir Qübbə hava hücumundan müdafiə sistemi raketlərə cavab verərkən, havada çoxlu raket məhv edilib. Raket hücumu nəticəsində can və ya mal itkisi qeydə alınmayıb.

Hizbullah İsrail hədəflərinə 11 hücum təşkil etdiyini açıqlayıb.

Digər tərəfdən, Hizbullah Hərəkatı Livanın cənubundan sionist İsrailin sərhəd bölgəsindəki hərbi mövqe və yaşayış məntəqələrinə qarşı müxtəlif silahlarla 11 hücum təşkil edildiyini açıqlayıb.

Hizbullahın son 24 saat ərzində Livan ərazisindən işğalçı İsrailə qarşı həyata keçirdiyi hücumlarla bağlı verdiyi açıqlamada, sionist İsrailin Livanın cənubundakı Hula qəsəbəsinə həyata keçirdiyi və 3 mülki vətəndaşın həlak olduğu hücuma cavab olaraq, İsrailin Kiryat Şmona və Kfar Blum yaşayış məntəqələrinə onlarla Katyuşa raketinin atıldığı bildirilib.

Qeyd olunub ki, İsrailin Bağdadi və Birket Rişe mövqelərini işğal edən 769-cu Şərq briqadasının Kiryat Şmona kazarmasındakı qərargahı və Kefr Şubaa təpəsindəki Ruveysat əl-Alem mövqeləri raketlər və müvafiq silahlarla vurulub.

İsrailin sərhəddəki hərbi mövqelərinə yerləşdirilmiş 2 Merkava tipli tankın da hədəfə alındığı da bildirilib.