Sionist rejimin xəbər mənbələri Livan Hizbullahının işğal olunmuş Fələstinin şimalında sionist rejim ordusunun həssas mövqelərinə ağır raket zərbələri endirdiyini bildirib.
Az.rasthaber.com xəbər verir ki, sionist rejimin 12-ci kanalı cümə axşamı günü xəbər verib ki, Livandan işğal olunmuş Fələstinin şimalına onlarla raket atılıb.
Bu raket hücumundan sonra müxtəlif bölgələrdə, o cümlədən Hayfa körfəzi və Əl-Cəlil bölgəsində həyəcan siqnalı çalınıb.
Bununla bağlı, sionist rejim ordusunun sözçüsü Livandan Əl-Cəlil, Hayfa körfəzi və Akka istiqamətinə 40 raket atıldığını açıqlayıb.
Digər sionist medialar da məlumat yayıb ki, Qərbi Əl-Cəlil və Keryot istiqamətində onlarla raket atılıb və xəbərlər sionist mühacirlər məskunlaşmış "Kəfar Mesarik" qəsəbəsinə raketin düşdüyünə işarə edir.
