Rasthaber Azərbaycan Sputnik-ə istinadən xəbər verir ki, ötən sutka ərzində Hindistanda 195850 yeni koronavirus hadisəsi qeydə alınıb və beləliklə, bu ölkədə virusa yoluxanların ümumi sayı 26948874 nəfərə çatıb.

Qanq çayının sahillərində yüzlərlə qəbir tapılıb. Hindistanın şimal əyaləti olan Uttar Pradeşin sakinləri onların COVID-19-dan dünyasını dəyişmiş insanların məzarı olmasından şübhələnirlər.

Eləcə də, son həftə ərzində Qanq çayının Uttar Pradeş əyalətindəki Qazipur qəsəbəsi sahilində və qonşu Bihar əyalətindəki Buksar bölgəsində dalğalar onlarla şəxsiyyəti məlum olmayan cəsədi sahilə vurub. Onların ölümünə dəqiq nəyin səbəb olduğu araşdırılsa da, cəsədlərin parçalanması bu işə əhəmiyyətli dərəcədə mane olur.

Hindistan təsdiqlənmiş COVID-19-a yoluxma hallarının sayına görə dünyada ikinci yeri tutur – 26948874 nəfər. Bu yoluxma hallarının 195850-si ötən sutka ərzində qeydə alınıb.