İşğal qüvvələrinin İordan çayının qərb sahili və Qüdsün müxtəlif bölgələrinə basqınları davam edərkən, fələstinli müqavimət döyüşçüləri və inqilabçı gənclər atəş açaraq, atəşfəşanlıq və əl istehsalı bombalar ataraq işğalçı qüvvələrə müqavimət göstərirlər.

Az.rasthaber.com xəbər verir ki, Fələstinli müqavimət döyüşçüləri Ceninin qərbindəki Səlim hərbi keçid məntəqəsində vəzifə yerinə yetirən işğalçı əsgərlərin üzərinə güllə yağdırarkən, inqilabçı gənclər şəhərin cənub-qərbindəki Dotan hərbi keçid məntəqəsinə boru tipli əl istehsalı bomba atıblar.

İnqilabçı gənclər Hebronun şimalındakı Əl-Arrub düşərgəsinin girişindəki gözətçi qülləsinə də “Molotov kokteyli” atıblar. Bildirilib ki, qarşıdurma zamanı işğalçı qüvvələr əsl güllələrdən istifadə edib.

Qüdsün Cəbəl əl-Mukebir və Sur Bahir qəsəbələrinə basqın edən fələstinli gənclərlə işğalçı qüvvələr arasında şiddətli toqquşmalar yaşanarkən, fələstinli gənclər Şufat düşərgə keçid məntəqəsindəki hərbi gözətçi qülləsinə atəş açıblar.

İşğalçı qüvvələr Nablusun şərqindəki Beyt-Fürik qəsəbəsi, Beytüllahimin cənub-şərqindəki Tequ qəsəbəsi və Ceninin qərbindəki Zebuba kəndinə basqın edib. İşğal qüvvələrinin Nablusun cənubundakı Huvara qəsəbəsində də mağazaları bağladığı bildirilib.

Qeyd edilib ki, Nablusun şərqindəki Beyt Furik qəsəbəsinin Əl-Kuneytra bölgəsində işğalçı qüvvələrlə fələstinli inqilabçı gənclər arasında şiddətli toqquşmalar olub.