Bağdadda “Kürdüstan Demokratik Partiyası”nın ofisi və ona bağlı nümayəndəliklər yandırılıb.
Az.rasthaber.com SalamNews-a istinadən xəbər verir ki, ötən gecə Bağdadda “Kürdüstan Demokratik Partiyası”nın ofisi və ona bağlı bir neçə nümayəndəlik etirazçılar tərəfindən yandırılıb.
Etirazçılar adıçəkilən partiyanın tanınmış üzvü Nayif əl-Kürdüstaninin İraqın din alimlərini təhqir edən paylaşımından sonra bu addımı atıblar.
Bu arada İraqın şimalında Kürdüstan Regional Hökumətinin Daxili İşlər Nazirliyi Nayif əl-Kürdüstaninin saxlanılması barədə Məhkəmə tərəfindən qərarın gözlənildiyini bəyan edib.
“Kürdüstan Demokratik Partiyası” bəyanat yayaraq, tanınmış üzvü Nayif əl-Kürdüstaninin açıqlamasını pisləyib, onun və fikirlərinin partiyanı təmsil etmədiyini bildirib.
