10.11.2021 11:45:04
Karapetyan noyabrın 10-da Moskvada keçiriləcək MDB ölkələri müdafiə nazirləri şurasının növbəti iclasında iştirak edəcək.
Az.rasthaber.com "Sputnik Azərbaycan"-a istinadən xəbər verir ki, Ermənistan Müdafiə naziri Arşak Karapetyan Moskvaya gedib. Sputnik Azərbaycan xəbər verir ki, bununla bağlı Ermənistan Müdafiə Nazirliyi məlumat yayıb.
Məlumatda qeyd olunub ki, Karapetyan noyabrın 10-da Moskvada keçiriləcək MDB ölkələri müdafiə nazirləri şurasının növbəti iclasında iştirak edəcək.
Qeyd edək ki, sabah Rusiyada Müstəqil Dövlətlər Birliyinə üzv ölkələrin Müdafiə nazirləri Şurasının növbəti iclası keçiriləcək.
Bu gün Azərbaycan Respublikasının Müdafiə naziri, general-polkovnik Zakir Həsənov da həmin toplantıya qatılmaq üçün Moskva şəhərinə yola düşüb.
Müdafiə nazirləri Şurasının iclasında MDB ölkələri arasında hərbi sahədə əməkdaşlıq və hərbi təhlükəsizlik məsələləri müzakirə ediləcək.
Azərbaycan və Ermənistanın müdafiə nazirlərinin Rusiyalı həmkarları Sergey Şoyqu ilə görüşəcəkləri istisna edilmir.
