Dünya İslami Oyanış Assambleyası sionist İsrail rejiminin təcavüzü və son qətllərini pisləyərək, Livan Hizbullahının baş katibinin mövqeyini dəstəklədiyini bildirib.

Az.rasthaber.com xəbər verir ki, Ümumdünya İslami Oyanış Şurasının yaydığı bəyanatda deyilir: 

"İşğalçı rejimin Qüdsdəki macəraları, Suriyaya hava və raket hücumları, həmçinin təcavüzü və ərazi bütövlüyünü pozması, Livanda siyasi sabitliyin qarşısını almaq üçün İordan çayının qərb sahilində Fələstin müqavimət qruplarına edilən təzyiq, Məscidül-Əqsada müsəlmanların bu məscidə girməsinə mane olmaq üçün hücumlar və İordan çayının qərb sahilində yaşayanlara təzyiqlər, evlərin sökülməsi və mülklərinin müsadirə edilməsi regionda böhran yaratmaq cəhdləridir.

İşğalçı rejim, daxili böhrana nəzarət etmək üçün Livanı işğal etmək, hücum və dəniz quldurluğu da daxil olmaqla sərhədlərarası gərginliyi dəyişdirməyə və Livan xalqının mübahisəsiz sərvətlərindən olan qaz ehtiyatlarını ələ keçirməyə çalışaraq, qeyri-sabit mövqeyini möhkəmləndirməyə və Vaşinqtonun dəstəyi ilə daha çox böhran yaratmağa çalışır. Bu cür hücumlar şübhəsiz ki, cavabsız qalmayacaq".

Ümumdünya İslami Oyanış Assambleyası irqçi İsrail hücumunu pisləyərək, alimlər, mütəfəkkirlər və İslam dünyasını bölgənin məzlum xalqlarına və Livan Hizbullahının baş katibinin mühüm mövqeyinə hərtərəfli dəstək olmağa çağırıb.