Sionist işğalçı qüvvələrin bu gün səhər (31 mart cümə axşamı) Cenin qaçqın düşərgəsinə basqın etməsindən sonra başlayan qarşıdurmalarda iki fələstinli gənc şəhid olub, 15 fələstinli isə yaralanıb. Qarşıdurmada bir işğalçı əsgərin də yaralandığı bildirilib.

Az.rasthaber.com "Palinfo"ya istinadən xəbər verir ki, Fələstin Səhiyyə Nazirliyinin mətbuat xidmətindən verilən yazılı məlumata görə, hücum zamanı ağır yaralanan 17 yaşlı Sind Muhammed Ebu Atiyye və 23 yaşlı Yəzid Es-Sədi şəhid olub.

Açıqlamada, hücumda 15 fələstinlinin yaralandığı, onlardan 14-nün canlı güllələrdən, 1 nəfərin isə qaz bombalarının təsirindən yaralandığı bildirilib. Yaralılardan 3-nün vəziyyətinin ağır, birinin isə orta ağır olduğu bildirilib. İşğalçı sionistlərə məxsus Walla internet saytının dərc etdiyi xəbərdə silahlı qarşıdurmada işğalçı rejimin Duvdevan adlı xüsusi silahlı bölməsinə aid əsgərlərdən birinin yaralandığı bildirilib.

Yerli mənbələrdən verilən məlumata görə, işğalçı qüvvələrin səhər saatlarında Cənin qaçqın düşərgəsinə qəfil basqın təşkil etdiyi, daha sonra işğalçı əsgərlərin snayperlərinin, evlərin damına çıxaraq insan ovuna başladıqları bildirilib.