Çindә yeni növ koronavirusdan hәlak olanların sayı 2 min 120 nәfәrә çatıb.
Rasthaber Azərbaycan TRT-yə istinadən xəbər verir ki, Çindә yeni növ koronavirus (Kovid-19) epidemiyası sәbәbindәn hәlak olanların sayı 2 min 120 nәfәrә çatıb.
Bu barәdә Çinin Milli Sәhiyyә Komissiyasından verilәn mәlumatda bildirilib. Mәlumatda qeyd olunub ki, virusa yoluxanların sayı 74 min 576 nәfәrә çatıb. Virusa yoluxan 11 min 864 nǝfǝrin vәziyyәti kritiktir. Mәlumatda hәmçinin bildirilib ki, müalicә olunanların sayı 6 min keçib.
Sutka әrzindә virus sәbәbindәn hәlak olanların sayı 114 nәfәrә çatıb. Belәliklә koronavirus epidemiyası sәbәbindәn xәstәxanaya müraciәt edәnlәrin sayı 180 mini keçib.
Qeyd edәk ki, yeni növ koronavirus ilk olaraq Çinin Xubey әyalәtinin Vuxan şәhәrindә yayılmağa başlamışdı.
