HƏMAS-ın silahlı qanadı İzzəddin əl-Qəssam Briqadaları sionist İsrailin blokada altındakı Qəzza zolağına hücumları zamanı həlak olan 4 israillinin kimliyini açıqlayıb.

Az.rasthaber.com xəbər verir ki, Qassam Briqadalarının sözçüsü Əbu Ubeyde Telegram hesabında mövzu ilə bağlı verdiyi açıqlamada işğalçı İsrailin son hücumlarında həyatını itirən məhbuslarla bağlı məlumat verib.

Əbu Ubeyde dedi: “Biz bundan əvvəl sionistlərin Qəzza zolağına vəhşicəsinə hücumları nəticəsində 7 sionist məhbusun öldürüldüyünü elan etmişdik və onlardan 3-nün adını açıqlamışdıq.

Ölən digər 4 israilli məhbusun adlarını açıqlayan Əbu Ubeyde deyib:

"İtzik Alqrat, Alex Densig, Ronen Tomy Angel və Eliyahu Margalitin öldürüldüyünü təsdiqlədik".