2021-ci ilin sentyabrından Belçikanın Valloniya regionunun məktəb və universitetlərinə hicab və digər dini atributlarla gəlməyə icazə veriləcək.

Az.rasthaber.com “TRT World”a istinadla xəbər verir ki, hökumətin bu qərarı yerli müsəlman təşkilatlar tərəfindən müsbət qarşılanıb.

Qeyd edək ki, müsəlmanlar uzun illərdir ki, belçikalı müsəlman qızların təhsil müəssisələrinə hicabla getmək haqqı uğrunda mübarizə aparıblar.

Valloniya təhsil sisteminin nümayəndəsi də sözügedən qərara şərh verib: “Biz artıq hicabı bəhanə gətirərək bu gənc qızların təhsil almaq hüquqlarını əllərindən ala bilmərik. Diplom – onların işlə təmin olunmasına yol açan bir pasportdur”.