İranın Xarici İşlər Nazirliyinin mətbuat katibi ABŞ prezidenti Donald Trampın Qəzzə xalqının öz torpaqlarından köçürülməsi ilə bağlı iddiasına reaksiya verərək bildirib: “İşğalçıların on beş ay davam edən soyqırım cinayəti fələstinliləri öz vətənlərindən qopara bilmədi. Siyasi hədə-qorxu və demoqrafik coğrafiyanın manipulyasiyası fələstinliləri köçməyə məcbur edə bilməyəcək.”

Az.rasthaber.com xəbər verir ki, İranın Xarici İşlər Nazirliyinin mətbuat katibi İsmayıl Bəqai bu gün (28 yanvar, çərşənbə axşamı) X istifadəçi hesabında ABŞ-ın yeni prezidentinin Qəzzənin boşaldılması ilə bağlı mübahisəli iddialarına reaksiya verərək yazıb: “Fələstinin “müstəmləkə tərəfindən məhv edilməsi” planının bir hissəsi kimi Qəzzənin “təmizlənməsi” ideyası uzun müddətdir ki, Amerikanın ölümcül silah və sursatlarından, habelə maliyyə, siyasi və kəşfiyyat dəstəyindən istifadə etməklə həyata keçirilir.”