Birləşmiş Millətlər Təşkilatının (BMT) Fələstin Ərazilərində Humanitar Məsələlərin Əlaqələndirilməsi Ofisi sionist İsrailin hərəkətləri səbəbindən 2023-cü ilin iyul ayından etibarən 13 fələstinli ailənin (84 nəfər) işğal altındakı İordan çayının qərb sahilindəki Hebron şəhərinin cənubundakı Mesafir Yatta qəsəbəsindən köçürüldüyünü açıqlayıb.
Az.rasthaber.com xəbər verir ki, idarədən verilən açıqlamada 2023-cü ilin iyul ayının əvvəlindən 44-ü uşaq olmaqla 84 nəfərdən ibarət 13 fələstinli ailənin Mesafir Yattadan vətənlərini tərk etməli olduğu bildirilib.
Bəyanatda sionist rejimin artan məhdudiyyətləri fələstinli ailələrin didərgin düşməsinin əsas səbəbi kimi göstərilib.
Bəyanatda Mesafir Yattada 1150 nəfərdən ibarət 215 fələstinli ailənin məskunlaşdığı 13 icma mərkəzinin olduğu və bu icmaların sionist İsrailin "atəş bölgələri" elan etdiyi İordan çayının qərb sahilinin 18 faizində yerləşdiyi bildirilib.
Açıqlamada bildirilib ki, son üç ayda yaşadıqları yerlərdən didərgin salınan insanlar həmin bölgə əhalisinin təxminən 7 faizini təşkil edir.
Bəyanatda sionist rejimin 2022-ci ilin may ayından bu yana bölgədə hərəkəti daha da məhdudlaşdırdığı, mülkləri ələ keçirdiyi, evləri yıxdığı və bölgədə hərbi təlim keçdiyi vurğulanıb və beynəlxalq hüquq çərçivəsində mülki şəxslərin Fələstin ərazisindən zorla çıxarılmasının qadağan edildiyi bildirilib.
Bəyanatda sionist rejim hakimiyyət orqanlarından “hərəkətə məhdudiyyətlər, planlaşdırılan təxliyyələr, söküntülər və yaşayış məntəqələrində hərbi təlimlər” daxil olmaqla bütün məcburedici hərəkətləri dayandırmağa çağırılıb.
