Təcili ərzaq yardımına ehtiyacı olanların sayı ötən illə müqayisədə 10 faiz artıb.
Az.rasthaber.com xəbər verir ki, Birləşmiş Millətlər Təşkilatının (BMT) Ümumdünya Ərzaq Proqramının (ÜƏP) Ərzaq Böhranları üzrə Qlobal Hesabatının ilin ortaları üçün yenilənməsinə əsasən, 48 ölkədə təcili ərzaq yardımına ehtiyacı olan insanların sayı 2022-ci illə müqayisədə 10 faiz artıb.
Qərargahı Romada yerləşən BMT təşkilatlarından biri olan ÜƏP Qida Böhranları Qlobal Hesabatının ilin ortası yeniləməsini paylaşdı.
Hesabata görə, 48 ölkədə təcili ərzaq yardımına ehtiyacı olan insanların sayı ötən illə müqayisədə 10 faiz artıb.
Bildirilib ki, 2022-ci ildən bəri 48 ölkədə yüksək səviyyədə kəskin qida çatışmazlığı yaşayan insanların sayı 21,6 milyon artaraq 238 milyona çatıb.
Sudan, Somali və Burundi də daxil olmaqla 9 ölkədə vəziyyətin keçən ildən bəri pisləşdiyi qeyd edilib.
Hesabatda bildirilib ki, bəzi ölkələrdə irəliləyişlər nəzərə çarpsa da, uzunmüddətli ərzaq böhranları və yeni şoklar səbəbindən 2023-cü ildə ciddi kəskin qida çatışmazlığı davam edəcək.
Şri-Lanka, Niger və Konqo Demokratik Respublikasının yaxşılaşmanın göründüyü ölkələr arasındadır, lakin Nigerdəki son çevriliş hadisəsindən sonra bu vəziyyət tərsinə çevirməkdədir.
Hesabatda 25 ölkə və ya bölgədən məlumat əldə edilə bilinməyib. Buna görə təcili ərzaq yardımına ehtiyacı olan insanların təxminən 70 faizinin ən böyük ərzaq böhranı yaşanan 10 yerdə olduğu yazılıb.
