Böyük mərcəi təqlid Ayətullah Əl Üzma Seyid Sistaninin tam səlahiyyətli nümayəndəsi Ayətullah Seyid Cavad Şəhristani, Qum şəhərindəki dəftərxanasında, İmam Hüseyn (ə) ziyarətgahının yeni baş katibi Həsən Rəşid Əl-Abaycini qəbul edib.
Az.rasthaber.com "İslamazeri.com"a istinadən xəbər verir ki, bu barədə İmam Hüseyn (ə) hərəminin mətbuat xidməti məlumat yayıb.
Görüş zamanı Ayətullah Şəhristani Həsən Rəşid Əl-Abaycini İmam Hüseyn (ə) hərəminin baş katibi vəzifəsinə təyin olunması münasibətilə təbrik edib.
Bu böyük məsuliyyəti daşımaq şərəfinin ancaq şanslı insanlara nəsib olduğunu qeyd edən Ayətullah Şəhristani deyib:
"İmam Hüseynə (ə) xidmət etmək Allah-taalanın saleh bəndələrinə verdiyi nemətlərdən biri olduğu üçün, bu mübarək iş insana ancaq şərəf və izzət qatır".
