Ayətullah Məkarim Şirazi: Qarabağın azadlığı üçün müsəlmanların dəstəyi vacibdir

Rasthaber Azərbaycan-ın məlumatına görə, bu mərcəi təqlid müctehidlərindən olan Ayətullah Nasir Məkarim Şirazinin rəsmi saytı vasitəsilə yayılmış bəyanatında deyilir.

Ayətullah Məkarim Şirazinin sözlərinə görə, din xadimləri də Qüdsün azadlığı kimi,  Qarabağın işğaldan azad edilməsinə dəstəyə təkid edirlər.

Bəyanatın davamında deyilir: “Dağlıq Qarabağın illərlə işğal altında qalmasından sonra, son vaxtlar bu bölgədə müharibə yenidən alovlanıb və müsəlmanların qanı axıdılır. Bütün bu məsələlərdə məsuliyyəti işğalçı Ermənistan daşıyır. İstənilən vasitəçilik, müzakirə və yaxud qərar Azərbaycanın ərazilərinin tam şəkildə işğaldan azad olunması ilə nəticələnməlidir. Səmavi dinlərə əsasən, bütün peyğəmbərlər, xüsusilə Həzrət İsa zülmdən uzaq olmuşdu. Buna əsasən bütün xristianlar Ermənistan hökumətinə öz vəzifəsini yerinə yetirməsi, işğalçılığa son qoyması, zülmlər etməkdən çəkinməsi üçün tövsiyələr etməlidirlər”.