Avropa İttifaqı və ABŞ Dövlət Departamenti seçkiləri tənqid edib
Avropa İttifaqının fevralın 9-da Azərbaycanda keçirilən növbədənkənar parlament seçkiləri ilə bağlı bəyanat yayıb.
Sənəddə deyilir ki, ATƏT-in Demokratik Təsisatlar və İnsan Haqları Bürosunun (ATƏT/DTİHB) ilkin qiymətləndirməsinə görə, namizədlərin çox olmasına baxmayaraq, məhdudlaşdırıcı qanunvericilik və siyasi mühit səbəbindən həqiqi rəqabət olmayıb, bəzi müxalifət partiyaları məhdudlaşdırıcı mühiti əsas gətirərək seçkiləri boykot edib. Avropa İnsan Hüquqları Məhkəməsinin qərarlarının təmin olunmaması bəzi şəxslərin iştirakına mane olub.
Avropa İttifaqı hesab edir ki, ATƏT/DTİHB-nin vurğuladığı kimi seçki bülletenlərinin sayılmasında yol verilən pozuntular narahatlıq doğurur.
“Avropa İttifaqı ATƏT/DTİHB və Avropa Şurasının Venesiya Komissiyası tərəfindən verilən tövsiyələrə əməl olunmadığı üçün təəssüflənir. Avropa İttifaqı bu prosesdə Azərbaycana kömək etməyə hazırdır. Avropa İttifaqı bütün vətəndaşların mənafeyi naminə dialoqun davam etdirilməsini və Azərbaycan təsisatları ilə, o cümlədən yeni seçilmiş parlamentlə sıx işləməyi səbirsizliklə gözləyir,” bəyanatda vurğulanır.
ABŞ Dövlət Departamenti də oxşar açıqlaması ilə gündəmə gəlib.
«Azərbaycanda seçkilər həqiqi rəqabətin olmadığı və ciddi prosedur pozuntularının olduğu bir şəraitdə keçib. Bunlara bülletenlərin topa şəkilində atılması, qrup səsverməsi və səslərin sayılmasında əhəmiyyətli çatışmazlıqlar daxildir.».
Bu sözləri ABŞ Dövlət Departamentinin sözüçüsü Morgan Ortagus fevralın 9-da Azərbaycanda keçirilən növbədənkənar parlament seçkiləri barədə twitter səhifəsində yazıb.
Daha sonra o, ABŞ-ın azərbaycandakı səfirliyinin bəyanatını add edib.
The U.S. shares @osce_odihr’s concerns that the Feb 9 elections in #Azerbaijan lacked genuine competition and took place in a restrictive environment with significant procedural violations. These include ballot box stuffing, group voting, and significant vote tabulation flaws. https://t.co/X1TXxpA2Mw
— Morgan Ortagus (@statedeptspox) February 11, 2020
