ABŞ Müdafiə nazirliyi - Pentaqon yeni açıqlama yayıb.

Pentaqon yeni açıqlama yayıb.

Rasthaber Azərbaycan xəbər verir ki, İranın İraqdakı ABŞ hərbi bazasına hücum etməsindən sonra, kəllə-beyin travması və kontuziya alan hərbçilərin sayı 109 olub.

ABŞ Ordusunun Qərargahının rəisi Mark Milley daha əvvəl açıqlamasında "kəllə-beyin travması" diaqnozu ilə xəsarət alan hərbçilərin sayının artacağını açıqlamışdı.

Ekspertlər TBI xəsarətlərini normal şərtlərdə yaranan kəllə-beyin travması deyil, daha ağır nəticələr doğuran xəsarət adlandırıb.

Kəllə-beyin zədəsi almış hər bir kəs nevroloji simptomların meydana çıxıb - çıxmamasından asılı olmayaraq beyin qanaxması kimi fəsadlaşmanı vaxtında müəyən etmək üçün xəstəxanaya çatdırılmalı  və daimi nəzarətə götürülməlidir.

Qeyd edək ki, Tramp hücumun ilk günündə ölən və yaralananların olmadığını bildirmişdi.