İran İslam İnqilabının Rəhbəri Ayətullah Seyid Əli Xamenei bir qrup universitet və orta məktəb tələbələri ilə görüşüb.
Az.rasthaber.com xəbər verir ki, İran İslam İnqilabının Rəhbəri Ayətullah Seyid Əli Xamenei bu gün səhər 13-cü Aban (4 noyabr) Ümumdünya İmperialistlərlə Mübarizə Günü ərəfəsində universitet və orta məktəb tələbələrini qəbul edib.
İran İslam İnqilabının Rəhbəri Ayətullah Xamenei çıxışında bildirib:
"13 Aban günü həm Amerikanın şərini üzə çıxardı, həm də Amerikanın zərbə alaraq məğlub olduğunu göstərdi.
13 Aban təcrübə verən bir gündür. Bu tarixi gündə baş verən hadisələr unudula bilməz və unudulmamalıdır.
Amerikalılar bu hadisəni İran xalqı ilə ABŞ arasında münaqişənin başlanğıcı kimi təbliğ edirlər. Lakin İran və ABŞ arasında problemin başlanğıcı 1953-cü il avqustun 19-u oldu. Avqustun 28-də milli hökumət hakimiyyətdə idi. Onun qərblilərlə problemi sadəcə neftlə bağlı idi.
Dövrün baş naziri Məhəmməd Müsəddiq İran xalqı tərəfindən seçildi və gündəmdə heç bir höccətül-islam və islamçılıq yox idi.
Ortada sadəcə neft məsələsi var idi. Neft ingilislərin əlində idi. Müsəddiq dedi ki, neft bizdə olmalıdır, bu, onun yeganə günahıdır. Lakin amerikalılar Müsəddiq hökumətinə qarşı sui-qəsd hazırlayaraq dövlət çevrilişi etdi.
Amerikalılara nikbin münasibət bəsləyən Müsəddiq onlara güvənir, hətta onlara isti münasibət bəsləyir və Amerika hökumətinin ingilislərə qarşı ona dəstək verəcəyini düşünürdü. Lakin ABŞ onu arxadan vurdu.
Amerikalılarla problemimiz o gündən başladı. İndi ikiüzlü Amerika siyasətçiləri həyasızcasına İran millətini dəstəklədiklərini deyirlər!
Aydındır ki, Amerika bu günlərdə məğlubiyyətdən əziyyət çəkir. Bəziləri Amerikanın möhkəm və sarsılmaz bir güc olduğunu düşünür. Ancaq bugünkü hadisələrə nəzər salsaq, bunun doğru olmadığı ortaya çıxır.
ABŞ-ın toxunulmaz bir güc olduğunu düşünənlər bu gün baş verən hadisələrə nəzər salmalıdırlar. Onlar görürlər ki, ABŞ tamamilə gücsüzdür".
Elm və Təhsil Naziri Yusif Nurinin də qatıldığı görüşdə, Şiraz Şahçeraq terrorunda bütün ailəsini itirən Artin Serayedaran adlı tələbənin iştirakı da diqqət çəkib.
Qeyd edək ki, İran xalqı İslam İnqilabının qələbəsindən sonra hicri ayının 13-də Aban bayramını İranın milli birliyi və qüdrətinin əlaməti olaraq “Dünya imperialistləri ilə mübarizə günü” kimi qeyd edir.
