ABŞ Maliyyə Nazirliyi İran İnqilabı Keşikçiləri Korpusunun Qüds Qüvvələri ilə əlaqəsi olan üç şəxsə sanksiya tətbiq edildiyini açıqlayıb.
Az.rasthaber.com xəbər verir ki, Qüds Gücü ilə əlaqəsi olan 3 nəfər Terrorun Maliyyələşdirilməsinin Hədəfləndirilməsi Mərkəzinin (TFTC) qondarma terrorçu siyahısına əlavə edilib.
Qeyd edək ki, ABŞ, Səudiyyə Ərəbistanı, Bəhreyn, Küveyt, Oman, Qətər və Birləşmiş Ərəb Əmirliklərinin üzv olduğu TFTC 2017-ci ilin may ayında yaradılıb.
Xatırladaq ki, İnqilab Keşikçiləri Ordusu keçmiş ABŞ prezidenti Donald Trampın dövründə 2019-cu ildə “xarici terror təşkilatları siyahısı”na daxil edilib.
Tehran Vyanada razılığa gəlmək üçün İnqilab Keşikçiləri Korpusuna qarşı sanksiyaların ləğv edilməsini tələb edir.
İranın xarici işlər naziri Hüseyn Əmir Abdullahiyan bildirib ki, Vyanada keçirilən nüvə müzakirələrində razılığa gəlmək üçün İnqilab Keşikçiləri Ordusu və İranın fərd və təşkilatlarına qarşı sanksiyalar ləğv edilməlidir.
