ABŞ cəmiyyətində İsrail əleyhinə inanclar güclənib

ABŞ cəmiyyətində İsrail əleyhinə inanclar güclənib

Müxtəlif sorğular xüsusilə amerikalı gənclərin sionist rejimə qarşı siyasi oriyentasiyasının dəyişdiyini göstərir.

Az.rasthaber.com-un İran mediasına istinadən verdiyi xəbərə görə, “Əl-Cəzirə”nin araşdırmasında deyilir ki, onilliklər ərzində Amerika cəmiyyəti sionist rejimi dəstəkləyirdi. Lakin bu vəziyyət son illərdə amerikalı gənclər, xüsusən də tələbələr arasında Fələstin məsələsinə artan dəstəklə dəyişmişdir.

Məlumatına görə, “İsrailin mövcud olmaq hüququ”, “terrorçuların sıxışdırılması” və “antisemitizm” kimi şüarlar və anlayışlar artıq ABŞ məkanında dominant mövzu deyil. Əvəzində “irqi ayrı-seçkilik”, “torpaq oğurluğu” və “irqi təmizləmə” kimi anlayışlar amerikalı gənclər arasında populyarlaşıb.

Keçən ay tanınmış amerikalı yazıçı və New York Times qəzetinin köşə yazarı Tomas Fridman İsrail liderlərinə sağçı anti-hökumət siyasətləri yürütməmək barədə xəbərdarlıq etmiş və rejimin amerikalı tələbələr arasında mövqelərini itirməkdə olduğunu yazmışdı.

“Pew” Araşdırma Mərkəzi də martın 6-dan martın 13-dək 10 min 400 amerikalı arasında keçirilən sorğuda yazıb ki, amerikalılar əvvəllər fələstinlilərlə müqayisədə israillilərə münasibətə müsbət yanaşırdılar, lakin son illərdə, xüsusilə 18-29 yaşlı gənclər arasında bu məsələ əhəmiyyətli dərəcədə dəyişib, onların 61%-i Fələstin xalqına müsbət baxır.

Sorğunun nəticələrinə görə, gənc amerikalıların 35%-i Fələstin liderləri haqqında müsbət fikirdədir, bu göstərici sionist hökumətlə bağlı 34% təşkil edir.

Bununla belə ABŞ dövlət katibinin Yaxın Şərq məsələləri üzrə köməkçisinin keçmiş müavini David Mac Əl-Cəzirə telekanalına deyib: “İsraildəki ekstremist cərəyanlara davamlı dəstək - xüsusən də, Konqresdə və keçmiş prezident Donald Trampın prezidentliyi dövründ- hələ də Amerika siyasətində ən güclü və ən dominant istiqamət olaraq qalır. Mac vurğulayıb ki, savadsız amerikalılar – xüsusilə sağçı Respublikaçı siyasi namizədlərlə müttəfiq olan sağçı yevangelist xristian kilsələrindən olanlar - sionist rejimi böyük ölçüdə dəstəkləyirlər.

Xəbəri paylaş

VİDEOLAR