Xəbər mənbələri Suriyanın Deyr əz-Zor şəhərinin şərqindəki Koniko neft yatağındakı ABŞ bazasında çoxsaylı partlayış səslərinin eşidildiyini bildirib.

Az.rasthaber.com xəbər verir ki, yerli mənbələr bazaya raket hücumu barədə də məlumat veriblər, lakin bu barədə əlavə təfərrüatlara toxunmayıblar.

Əl-Mayadeen xəbər kanalı bildirib ki, bu, bir saatdan az müddətdə Koniko neft yatağındakı ABŞ hərbi bazasına ikinci hücumdur.

Digər tərəfdən, bəzi xəbər mənbələri Suriyadakı Əl-Şədadi bazasında Amerika qüvvələrinə pilotsuz təyyarə ilə hücum edildiyini bildirib.