ABŞ-da bəzi universitet şəhərciklərində davam edən etirazlardan narahat olan sionist rejimin baş naziri Netanyahu “dəhşətli” adlandırdığı tələbə nümayişlərini dayandırmağa çağırıb.
Az.rasthaber.com xəbər verir ki, ABŞ-da universitetlərdə Fələstin tərəfdarı nümayişlər sürətlə yayılarkən, sionist rejimin baş naziri Benyamin Netanyahu mövzu ilə bağlı ingilis dilində video müraciət yayımlayıb.
Netanyahu Qəzzada qan tökülməsinə son qoyulmasını tələb edən tələbələrin nümayişlərinin "antisemit" olduğunu iddia edib.
ABŞ universitetlərində keçirilən nümayişləri "dəhşətli" adlandıran Netanyahu bu etirazların dayandırılmasını istəyib.
Netanyahu iddia edib ki, ABŞ-da bəzi əyalət, yerli və federal rəsmilər bu anti-işğal etirazlarına reaksiya verib, lakin daha çox iş görülməlidir.
Sionist rejimin "haqsız yerə soyqırımda ittiham edildiyini" iddia edən Netanyahu, "antisemit" olduğunu iddia etdiyi nümayişlərə hər kəsin reaksiya verməli olduğunu bildirib.
