Məktəbdə qanlı hücum
Taylandın Nonthaburi əyalətində yerləşən Debsirin Nonthaburi məktəbində silahlı hücum baş verib.
Məlumata görə, hadisə Banqkokun şimal-qərbində yerləşən Banq Kruay rayonunda qeydə alınıb.
Hadisə yerinə cəlb olunan təcili yardım briqadaları hücum nəticəsində 7 nəfərin öldüyünü, 15 nəfərin isə yaralandığını açıqlayıb.
Hücumu törədən şagird ölü tapılıb
Polis məlumatına əsasən, hücumu həyata keçirən şəxs məktəbin 14 yaşlı şagirdi olub. O, hadisədən sonra ölü vəziyyətdə aşkarlanıb.
Hadisədən dərhal sonra müəllimlər məktəbin şagird və əməkdaşlarını təhlükəsiz əraziyə təxliyə ediblər.
Çantasında çoxlu sursat aşkarlanıb
Hüquq-mühafizə orqanları hücumçunun çantasına baxış zamanı çoxlu sayda döyüş sursatı aşkar ediblər.
Hazırda məktəb və ətraf ərazi tam nəzarətə götürülüb, hadisənin motivi və digər təfərrüatlarla bağlı istintaq davam edir.
