Hal-hazırda dünyada qlobal təsirləri olan bir müharibə davam edir.
ABŞ liderliyində küfr və nifaq qüvvələrinin İslami İrana qarşı başlatdığı bu müharibə ilə bağlı soruşulmalı olan mühüm sual budur: Niyə ABŞ qınanmadan yalnız Sionist Rejim qınanır? Həmçinin ABŞ və müttəfiqlərinə yaranmaq üçün İranın günahlandırılması nə deməkdir?
Halbuki İsrail ABŞ-ın sadəcə bir ön qarovuludur, qarnizonudur, əsas hücum edən və imperial güc ABŞ-dır. Bu həqiqət bilinməsinə baxmayaraq niyə belə bir hiyləgərliyə əl atılır?
Çünki;
– Sionist rejimi haqsız göstərib əsas ağa olan ABŞ təmizlənməyə, xilas edilməyə çalışılır.
Çünki;
– Amerikadan qorxurlar
– Amerikanın əmri altındadırlar; ağalarına qarşı çıxmağa cəsarətləri yoxdur, bir şəkildə özlərini ABŞ-a məhkum görürlər.
– ABŞ-ın qazanacağına qəti əminliklə baxır və bu ümidlə qənimətdən pay almağı planlayırlar. Buna görə də bir an əvvəl İranın məğlub olmasını arzulayır və ya təslim olmasını, bir atəşkəs və razılaşma ilə işini bitirmək istəyirlər.
Diqqət etsəniz; həmişə bunu vurğulayırlar: İran haqlıdır, sionist rejim haqsızdır. Bununla xalqlarına qarşı xəcalətlərini gizlədib kütlələri susdurmağı hədəfləyirlər.
Bu müharibənin iqtisadi, maraq və mənafe müharibəsi olduğunu göstərməyə çalışırlar.
Bu müharibənin bir sivilizasiya müharibəsi olduğunu xüsusilə gizlətməyə çalışırlar.
İran “HAQQ”, sionist rejim “BATİL” deyə bilmirlər. “Haqq-Batil müharibəsi” desələr, tərəflərini müəyyən etmək məcburiyyətində qalacaqları üçün münafiqcə ifadələr işlədirlər.
Digər bir sual isə budur; Bəs İran bu qədər genişmiqyaslı hücumlar qarşısında verdiyi insan və maddi itkilərə baxmayaraq niyə məğlub olmur, niyə təslim olmur?
Sualın cavabını anlamaqda çətinlik çəkir, bu müqaviməti, bu dik duruşu dərk edə bilmirlər.
Hər nə qədər İranın bu müqavimətini maddi gücü ilə izah etməyə çalışsalar da yenə də nəticəyə gələ bilmirlər. Çünki bu nəticə Qərbin müharibə və müdafiə doktrinası ilə uyğun gəlmir.
Bunlar Sünnətullah dairəsində gələn İlahi qeybi yardımları anlamırlar. Möminlər belə bunu bəyan etməkdən çəkinirlər.
Allahın yardım etməsi niyə dərk və bəyan edilmir?
Sünnətullah qaydasına görə, Allahın yardım etməsi iftixar səbəbi və haqlı olunduğunun əlaməti deyilmi?
İran haqlıdır, ABŞ haqsızdır demək klassik vicdanın səsidir. Bunu heç kim inkar edə bilməz.
Amma əsas məsələ İranın sadəcə haqlı olması deyil, “HAQQ” xəttində olmasıdır.
Amerikanın sadəcə haqsız olması deyil, “BATİL” olmasıdır.
Siz “HAQQ” olsanız, sizdən başqa hamı batil olar, çünki HAQQ birdir, eyni zamanda iki haqq mövcud ola bilməz.
Allah sizə yardım edirsə, deməli haqlısınız. Qarşınızdakılar istər aktiv şəkildə müharibəyə qoşulsunlar, istər tərəfsiz qalsınlar – batildirlər.
Allahın qeybi yardımları danışılmazsa, Allaha təvəkkül dilə gətirilməzsə, yardım və zəfərin Allahdan olduğu deyilməzsə, bu qədər uğur maddi və silah gücü ilə izah olunmağa çalışılarsa
O zaman da deyəcəklər ki…
“İran müdafiə sistemini Rusiyadan, yeni silah və raket texnologiyasını Çin və Şimali Koreyadan alır. Rusiya hələ də hərbi kəşfiyyat təmin edir.” Yəni İranın Rusiyaya və Çinə söykəndiyini deyəcəklər.
Rusiya yardım edəndə ayıb olmur, Allah qeybi yardımlar göndərəndəmi utanılır?
İranın ən böyük silahı; Allaha iman, Allaha təvəkkül, zəfər və uğurun Allahın əlində olduğuna inanması və İlahi hüccətin inayət və lütflərinin daim yanlarında olduğuna inanmalarıdır.
İmam Xameneini şəhid etdilər, sistemi dəyişə bilmədilər
Komandanları bir-bir şəhid etdilər, yenə olmadı.
Nüvə obyektlərini vurduqdan sonra geri addım atdıra bilmədilər.
Elektrik stansiyalarını vurduqdan sonra təslim edə bilmədilər
Şəhərləri, xalqı, körpüləri vururlar, dik duruş davam edir
Təbrizdən Əbədana qədər hər yer bombalanır, İrandan köç yoxdur, heç kim qaçmır
Paytaxt hər saat bombalanır, dövlət işləyir
Küçələr gecələri “Ya Hüseyn Ya Hüseyn”, “Zillət bizdən uzaqdır” nidaları ilə səslənir; həmasi marşlar, mərsiyələr və…
Bu müharibə bizə çox şey öyrədir:
Dini qorumaq və diriltmək üçün fədakarlığın lazım olduğunu;
Hər nəfs ölümü dadacaqsa, Allah yolunda şəhadəti istəməyin mübarizədə nə qədər təsirli olduğunu;
Bu inanc ölümü insana sevdirir; insan evində, xəstəxanada, işində, yolda ölməkdən qorxmur.
Düşmən nə qədər güclü olsa da yenilməz olmadığını öyrədir.
Allahın qeybi yardımları ilə məğlub edilməyəcək güc yoxdur
Sözün qısası budur;
“Amerika və tərəfdarları dünyadakı hakimiyyətlərini, maraqlarını, can və mallarını qorumaq üçün ölkələri işğal edir, hücum edir və bombalayır…”
Mömin Allah igidləri isə can və mallarını Allah yolunda fəda etmək üçün yarışırlar.
Müharibədən qorxanlar, sülh naminə zilləti qəbul etmək məcburiyyətində qalırlar.
Müharibədən qorxanlar, əsarəti qəbul etmiş olurlar.
Zülm qarşısında dayanmayanlar, xalqlarına həqiqi azadlığı öyrədə bilməzlər.
