Tom Barrakın İsrail səfəri gündəmdədir
Sionist rejim Dövlət Yayım Korporasiyası ABŞ Prezidenti Donald Trampın Suriyaya dair xüsusi nümayəndəsi Tom Barrakın bu gün – bazar ertəsi İsrailə səfər edəcəyini açıqlayıb. Məlumata görə, səfərin əsas məqsədi Qəzza zolağında atəşkəs razılaşmasının ikinci mərhələsinə keçid məsələsində İsrail tərəfinin mövqeyini və hazırlıq səviyyəsini dəyərləndirməkdir.
Yayım qurumu bildirir ki, Barrakın missiyası konkret xarakter daşıyır və o, Sionist rejimin Qəzza ilə bağlı növbəti mərhələdə hansı siyasi və təhlükəsizlik addımlarına hazır olduğunu müəyyənləşdirməyə çalışacaq.
ABŞ-nin mövqeyi və səfərin həssaslığı
Məlumata əsasən, səfər yüksək həssaslıq daşıyır və diplomatik mənbələr bunu ABŞ administrasiyasının Qəzza üzrə planının ikinci mərhələsinə keçiddə yaranmış ləngimədən narazılığı ilə əlaqələndirir. Bildirilir ki, Vaşinqton mövcud, müvəqqəti və kövrək atəşkəs rejiminin daha sabit təhlükəsizlik və siyasi mexanizmlərlə əvəzlənməsində maraqlıdır.
Bu çərçivədə Tom Barrakın sionist rejim Baş naziri cinayətkar Benyamin Netanyahu, eləcə də yüksək səviyyəli siyasi və təhlükəsizlik rəsmiləri ilə görüşləri planlaşdırılıb.
Netanyahu ilə əməkdaşlıq məsələsi qiymətləndiriləcək
İsrail mediasının yazdığına görə, Barrakın əsas vəzifələrindən biri də ABŞ üçün Netanyahunun növbəti mərhələdə etibarlı tərəfdaş olub-olmadığını qiymətləndirməkdir. İlkin nəticələrin səfər zamanı formalaşacağı, yekun qərarın isə daha sonra ABŞ Prezidenti Donald Trampın masasında veriləcəyi qeyd olunur.
Siyasi mənbələr Barrakın səfərinin sırf protokol xarakteri daşımadığını, daha çox strateji qərarlara hazırlıq mərhələsi olduğunu vurğulayırlar.
ABŞ-nin Qəzza üzrə planı
Sionist Dövlət Yayım Korporasiyasının məlumatına görə, ABŞ-nin Qəzza ilə bağlı planı beynəlxalq sabitləşdirmə qüvvəsinin yaradılmasını nəzərdə tutur. Sözügedən qüvvənin ABŞ rəhbərliyi altında fəaliyyət göstərəcəyi, HƏMAS-ın hərbi imkanlarının mərhələli şəkildə zəiflədiləcəyi və Qəzza zolağında alternativ idarəetmə mexanizminin formalaşdırılacağı iddia olunur.
Bu planın məqsədi müvəqqəti atəşkəsin yerini daha uzunmüddətli və sabit təhlükəsizlik-siyasi düzənlə əvəzləməkdir.
Türkiyə əsas fikir ayrılığı nöqtəsi kimi göstərilir
Məlumata görə, sionist rejim və ABŞ arasında əsas fikir ayrılıqlarından biri Türkiyənin mümkün roludur. Sionist rejim mediası bildirir ki, Tom Barrak Türkiyənin hərbi potensialı və Qəzza üzərində təsiri səbəbilə beynəlxalq sabitləşdirmə qüvvəsinin tərkibində yer almasını mümkün variant kimi dəyərləndirir.
Lakin sionist rejim tərəfi bu yanaşmanı qəbuledilməz hesab edir. Tel-Əvivin mövqeyinə görə, HƏMAS-la əlaqələri olan hər hansı ölkənin “sabitləşdirici qüvvə” kimi çıxış etməsi planın mahiyyətinə ziddir və risk yarada bilər.
Tramp–Netanyahu görüşünə hazırlıq
Sionist siyasi dairələri Barrakın səfərini 29 dekabrda Florida ştatında keçirilməsi gözlənilən Tramp–Netanyahu görüşünə hazırlıq mərhələsi kimi qiymətləndirir.
Qeyd edək ki, Qəzza üzrə atəşkəs razılaşmasının birinci mərhələsi 11 oktyabrda qüvvəyə minib. İsrailin bu razılaşmanı gündəlik şəkildə pozduğu bildirilir. Atəşkəs elan olunduqdan sonra Qəzzada 386-dan çox insanın həlak olduğu, 1018 nəfərin isə yaralandığı qeyd edilir.
