Pxenyanda Hwasong-20-nin təqdimatı
Şimali Koreya hakim Fəhlə Partiyasının 80 illiyi münasibətilə Pxenyanda möhtəşəm hərbi parad keçirib. Tədbirdə ölkənin son illərdə hazırladığı ən müasir silah sistemləri, o cümlədən uzaqmənzilli strateji qanadlı raketlər və pilotsuz uçuş aparatlarının buraxılış qurğuları nümayiş etdirilib.
Paradda əsas diqqət Hwasong-20 adlı yeni qitələrarası ballistik raketə yönəlib. Şimali Koreyanın rəsmi KÇXA agentliyi bu raketi “ölkənin ən güclü strateji nüvə silah sistemi” kimi təqdim edib.
11 oxlu daşıyıcıda ilk təqdimat
Nəhəng Hwasong-20 raketi ilk dəfə olaraq 11 oxlu xüsusi buraxılış maşınında ictimaiyyətə göstərilib. Bu addım Şimali Koreyanın yeni nəsil qitələrarası ballistik raketlər üçün bərk yanacaqlı mühərrik texnologiyasını sınaqdan keçirdiyi dövrə təsadüf edir.
Rəsmi məlumatlara əsasən, raketdə istifadə olunan yeni mühərrik karbon lifli materiallardan hazırlanıb və 1971 kilonyuton itələmə gücünə malikdir. Bu, əvvəlki modellərdən xeyli güclü sayılır və raketin uzaq məsafələrə daha tez və dəqiq çatmasını təmin edir.
Hwasong seriyası və strateji əhəmiyyəti
Hwasong seriyasına daxil olan raketlər Şimali Koreyaya uzaq məsafəli hədəfləri vurmaq imkanı verir. Hwasong-20-nin sınaqdan keçirilməsi Pxenyandakı hərbi texnoloji inkişafın yeni mərhələsi kimi qiymətləndirilir.
Ekspertlərə görə, bu raket Şimali Koreyanın nüvə başlıqları daşıya bilən ən güclü ballistik silahıdır və ölkənin strateji müdafiə konsepsiyasının əsas elementinə çevrilə bilər.
Kim Çen Inın çıxışı: “Sosialist qüvvələrin sadiq üzvü”
Paraddan sonra çıxış edən Şimali Koreya lideri Kim Çen In, Pxenyandı “sosialist qüvvələrinin sadiq üzvü” və “qərb hegemoniyasına qarşı müstəqillik qalası” adlandırıb.
O, ölkəsinin müdafiə qabiliyyətini gücləndirməyə davam edəcəyini və “düşmənlərin hər hansı təxribatına qəti cavab veriləcəyini” bəyan edib.
