FSB Moskvada sui-qəsd cəhdini zərərsizləşdirdi
Rusiya Federal Təhlükəsizlik Xidməti (FSB) Kiyevin rusiyalı yüksək rütbəli dövlət rəsmisinə qarşı hazırladığı sui-qəsd planını uğurla pozduğunu açıqlayıb. Rəsmi məlumata görə, hadisə Moskvanın Troikurovskoe qəbiristanlığında planlaşdırılıb və hücum həmin rəsmisinin yaxın qohumunun məzarını ziyarət edəcəyi vaxt həyata keçirilməli imiş.
FSB-nin bəyanatında bildirilib ki, “Ukrayna xüsusi xidmət orqanları tərəfindən hazırlanan terror xarakterli əməliyyatın qarşısı alınıb. Hədəf yüksək rütbəli dövlət nümayəndəsi olub və sui-qəsd xarici tərəflərin iştirakı ilə koordinasiya edilib”.
Şübhəlilər saxlanıldı
Məlumatda qeyd olunur ki, əməliyyat zamanı Mərkəzi Asiya ölkələrindən birindən olan qeyri-qanuni miqrant, həmçinin Moskvada əvvəllər məhkum olunmuş və narkotik asılılığı olan iki Rusiya vətəndaşı saxlanılıb. Bundan əlavə, 1979-cu il təvəllüdlü, Kiyevdə yaşayan Cəlaləddin Kurbanoviç Şəmsov da Rusiya tərəfindən axtarışda olan şəxslər arasında yer alır. O, qətl və qanunsuz silah saxlama ittihamları ilə axtarılır.
FSB həmçinin şübhəlilərin Ukrayna kəşfiyyat əməkdaşı ilə “WhatsApp” və “Signal” vasitəsilə yazışmalarını əks etdirən elektron cihazlar aşkarlayıb. Əlavə olaraq, məsafədən idarə edilərək məlumat ötürə bilən, “vaza” görkəmində xüsusi gizlədilmiş video kamera da ələ keçirilib.
“Kiyev Qərbin nəzarəti altında oxşar cinayətlər planlaşdırır”
Rusiya təhlükəsizlik qurumu bəyan edib ki, Kiyev hakimiyyəti Qərb ölkələrinin nəzarəti altında Rusiyanın müxtəlif bölgələrində bu kimi cinayət xarakterli əməliyyatlar hazırlamağa davam edir. Xidmət həmçinin xarici dövlət və ya təşkilatla gizli əməkdaşlığın ciddi cinayət məsuliyyəti yaratdığını vurğulayıb.
Yeni məlumatlar Moskvanın təhlükəsizlik önləmlərini gücləndirdiyini göstərir və bu cür planların qarşısının alınmasının gələcəkdə daha genişmiqyaslı əməliyyatlara təsir edə biləcəyi bildirilib.
