Rusiya hava hücumundan müdafiə sistemi 184 pilotsuzu vurdu
Rusiya Müdafiə Nazirliyi bu gün verdiyi bəyanatda bildirib ki, ötən gecə ərzində ölkənin müxtəlif bölgələrində ümumilikdə 184 Ukrayna pilotsuz uçuş aparatı (PUA) məhv edilib. Nazirliyin məlumatına görə, hava hücumundan müdafiə sistemləri Ukraynanın intensiv hücum cəhdlərinə cavab olaraq genişmiqyaslı əməliyyat həyata keçirib.
Rusiya tərəfinin açıqlamasına əsasən, 62 pilotsuz aparat Kursk, 31-i Belqorod, 30-u Nijni Novqorod, 18-i Voronej, 13-ü Qara dəniz üzərində, 6-sı Lipetsk bölgəsində vurulub.
Bundan əlavə, 5 PUA Kaluga, 4-ü Tula, 3-ü Rostov və Ryazan, 2-si Bryansk, Oriol və Krım, eləcə də 2-si Moskva vilayəti, 1-i isə Voloqda üzərində məhv edilib.
Xarkovda 100 muzdlunun zərərsizləşdirilməsi
Rusiyanın Nikolayev vilayətində fəaliyyət göstərən gizli əməliyyat qruplarının koordinatoru Sergey Lebedev bildirib ki, Rusiya qüvvələri Xarkov istiqamətində Ukrayna ordusunun tərkibində döyüşən təxminən 100 xarici muzdlunu zərərsizləşdirib.
Onun sözlərinə görə, bu əməliyyat Ukrayna Silahlı Qüvvələrinin müdafiə xəttini gücləndirmək üçün bölgəyə gətirdiyi xarici döyüşçülərin yerləşdirildiyi bazaya qarşı həyata keçirilib.
Gərginlik artmaqda davam edir
Son günlər Ukrayna ordusunun Rusiya ərazisinin dərinliklərinə PUA hücumlarını artırdığı bildirilir. Moskva bu hücumları “terror aktları” kimi qiymətləndirərək, cavab tədbirlərini sərtləşdirib.
Analitiklərin fikrincə, qarşılıqlı dron hücumları və hərbi əməliyyatların intensivləşməsi münaqişənin yaxın zamanda diplomatik yolla həllini daha da çətinləşdirir.
