ABŞ Prezidenti Donald Trampın Özbəkistan Prezidenti Şövkət Mirziyoyevi Qəzza Sülh Komitəsinə təsisçi üzv qismində dəvət etdiyi bildirilib.
Özbəkistan Prezident Administrasiyasının mətbuat katibi Şerzod Asadovun verdiyi məlumata görə, Mirziyoyev ABŞ Prezidenti Trampdan dəvət məktubu alıb və ölkəsinin Yaxın Şərqdə sülhün möhkəmləndirilməsi, münaqişələrin həlli məqsədilə yaradılacaq Qəzza Sülh Komitəsində təsisçi üzv kimi yer alacağını açıqlayıb.
Asadov qeyd edib ki, Mirziyoyev dəvəti qəbul etdiyini Trampa göndərdiyi məktubla bildirib və Özbəkistanın təsisçi üzv olaraq Sülh Komitəsində fəal rol oynamağa hazır olduğunu vurğulayıb.
