İsaak Herzoqun səfərinə etiraz çağırışı
Britaniyanın “The Guardian” qəzetinin məlumatına görə, Fələstinlə Həmrəylik Qrupu Avstraliyanın Sidney şəhərində sionist rejimin prezidenti İsaak Herzoqun səfərinə qarşı etiraz yürüşü planlaşdırır. Bu, hakimiyyətin etiraz aksiyalarına tətbiq etdiyi məhdudiyyətlərə baxmayaraq həyata keçirilmək istənilir.
Qrupun sözçüsü Coş Liz Yeni Cənubi Uels ştatı polisindən 9 fevral tarixində şəhər meriyasından ştat parlamentinə qədər dinc yürüşə icazə verilməsini tələb edib.
“Dinc aksiyalar təhlükəsizlik riski yaratmayıb”
Coş Liz bildirib ki, son iki il ərzində Qəzzada davam edən müharibə fonunda keçirilən Fələstin tərəfdarı aksiyalarda ciddi təhlükəsizlik problemi qeydə alınmayıb. Onun sözlərinə görə, polis əməkdaşlıq etsə, yürüş problemsiz şəkildə təşkil oluna bilər.
Polis məhdudiyyətləri uzadıb
Yeni Cənubi Uels ştatının polis komissarı Mal Lanyon etirazlara tətbiq olunan məhdudiyyətlərin daha 14 gün uzadıldığını açıqlayıb. O, bu qərarda İsaak Herzoqun səfərinin də rol oynadığını bildirib və etirazçılara yürüş icazəsi verilməyəcəyini deyib.
Hüquqi mübahisə və Konstitusiya iddiası
Polisə etiraz aksiyalarını uzunmüddətli məhdudlaşdırmaq səlahiyyəti verən qanunlar hazırda Konstitusiyaya zidd olduğu iddiası ilə məhkəmədə mübahisələndirilir. İşə 26 fevral tarixində baxılması nəzərdə tutulur.
İsaak Herzoqun Avstraliya səfəri
Qeyd edək ki, sionist rejimin qondarma prezidenti İsaak Herzoq Avstraliya baş naziri Entoni Albanizin dəvəti ilə ölkəyə 4 günlük rəsmi səfər edəcək. Səfər ölkə daxilində ciddi etirazlara səbəb olub.
