Bərri: İsraillə danışıqlar başa çatıb
Livan Parlamentinin sədri Nəbi Bərri İsraillə aparılan bütün diplomatik danışıqların tamamilə dayandığını açıqlayıb. O bildirib ki, ölkəsinin bundan sonra yeganə diplomatik xətti 2024-cü ilin noyabrında imzalanmış atəşkəs razılaşmasının icrasına nəzarət edən beynəlxalq komitə mexanizmi olacaq.
Bərri bu açıqlamanı ABŞ-ın Livan üzərində artan siyasi təzyiqlərinə və ABŞ-ın Livan üzrə xüsusi nümayəndəsi Tom Barakın son bəyanatlarına cavab olaraq verib.
Onun sözlərinə görə, Tel-Əviv hökumətinin Vaşinqton tərəfindən irəli sürülən “iki aylıq hücumların dayandırılması və işğal altındakı Livan torpaqlarından çəkilmə planını” rədd etməsi ilə bütün müzakirə kanalları bağlanıb.
“Yeganə yol beynəlxalq komitədir”
Bərri bildirib ki, Livan bundan sonra yalnız atəşkəsin icrasına nəzarət edən beş tərəfli beynəlxalq komitənin fəaliyyətinə etimad edir:
“Artıq başqa diplomatik yol yoxdur. Yeganə yol, atəşkəsin monitorinqi üçün yaradılmış beynəlxalq mexanizmdir. Yeni danışıqlar və ya alternativ diplomatik kanal mövcud deyil.”
O əlavə edib ki, komitə əvvəlki illərə nisbətən daha fəal işləyir və iki həftədən bir toplanaraq bölgədəki İsrail pozuntularını araşdırır.
“Livan suverenliyindən geri addım atmayacaq”
Nəbi Bərri vurğulayıb ki, Livan Kasım 2024 atəşkəs razılaşmasına tam sadiqdir və bu sazişin icrasına nəzarət məsuliyyəti məhz həmin beşli komitənin üzərindədir.
“Livanın suverenliyindən, milli mövqeyindən və ərazi bütövlüyündən geri addım atılmayacaq. ABŞ təzyiqlərinə baxmayaraq, biz müstəqilliyimizi qorumaqda qərarlıyıq,” – deyə o qeyd edib.
Bərri həmçinin Livanın Müqavimət Cəbhəsi (Dirəniş Cəbhəsi) ilə eyni istiqamətdə hərəkət etdiyini, ölkənin müdafiə və milli siyasətinin bu mövqeyə əsaslandığını vurğulayıb.
ABŞ-ın təzyiq strategiyasına etiraz
Son aylarda Vaşinqton administrasiyası Livanı İsraillə münasibətləri normallaşdırmağa təşviq etməyə çalışsa da, Beyrut bu cəhdləri rədd edib. Livan rəhbərliyi bu təşəbbüsləri “suverenliyə müdaxilə və işğalın legitimləşdirilməsi cəhdi” kimi dəyərləndirir.
Nəbi Bərrının son bəyanatı Livanın ABŞ-ın bölgədəki siyasətinə qarşı müstəqil və prinsipial mövqeyini bir daha nümayiş etdirdi.
