İsrail polisindən nazirə qarşı əməliyyat
İsrail polisi bu gün səhər saatlarında Sosial Bərabərlik və Qadın Statusunun Gücləndirilməsi naziri May Qolanın ofisinə rüşvət istintaqı çərçivəsində basqın edib.
Dövlət televiziyası KAN-ın məlumatına görə, polis qüvvələrinin “Lahav 433” adlı xüsusi bölməsi nazirin korrupsiya, fırıldaqçılıq və vergi ödəyicilərinin pullarını sui-istifadə etməkdə şübhəli bilindiyini açıqlayıb.
Ev və ofislərə basqınlar
Polis əməliyyatı təkcə Qolanın Qüdsdəki ofisi ilə məhdudlaşmayıb, onun ailə üzvlərinin evlərinə də basqın edilib. Əməliyyat zamanı bir neçə nəfər saxlanılıb. Onlar arasında nazirin məsləhətçisi də var. Məlumata görə, məsləhətçinin evində qanunsuz “esrar plantasiyası” aşkar edilib.
İsrail polisi bildirib ki, saxlanılan şəxslər dindirilmək üçün polis bölməsinə aparılıb. Onlardan biri bu gün Rișon LeZion məhkəməsinə çıxarılaraq həbs müddətinin uzadılması üçün hakim qarşısına çıxarılacaq.
Siyasi dairələrlə əlaqələr
Yerel mətbuat yazır ki, saxlanılan şəxslərdən biri həm də bir QHT rəhbəridir və eyni zamanda ifrat sağçı milli təhlükəsizlik naziri İtamar Ben-Qvirin yaxın dostudur.
Yolsuzluq ittihamları əvvəlcədən gündəmdə idi
İsrailin Kanal 12 televiziyası hələ fevral ayında May Qolanın dövlət vəsaitlərini mənimsədiyini, qohumlarını nazirlikdə maaşla təmin etdiyini iddia etmişdi. Həmin iddialarla bağlı aylar əvvəl ilkin araşdırmaya başlanmışdı.
Nazir və ailəsi isə irəli sürülən bütün ittihamları rədd edir.
