İsrail ordusundan yeni hücumlar
İşğalçı İsrail ordusu, bu gün səhər saatlarında həyata keçirdiyi hücumdan sonra günorta vaxtı da Livanın şərqindəki Beka bölgəsi və cənubundakı Nəbatiyyə şəhərinə yeni hava zərbələri endirib.
Ordu tərəfindən yayılan açıqlamada, Beka bölgəsində Hizbullah hədəflərinə qarşı əməliyyat keçirildiyi bildirilib. İddiaya görə, hücum zamanı Hizbullahın silah istehsalı və anbar kimi istifadə edilən obyektləri vurulub.
Nəbatiyyədə zərbələr
İsrail ordusu əlavə olaraq Nəbatiyyənin Əz-Zərariyyə qəsəbəsində də hava hücumu həyata keçirib. Məlumata görə, bölgədə Hizbullah infrastrukturunun hədəf alındığı irəli sürülüb. İsrail tərəfi, burada Hizbullah mövcudluğunun iki ölkə arasında mövcud razılaşmaları pozduğunu əsas gətirib.
Təhdid açıqlaması
Ordu nümayəndələri, İsrailin təhlükəsizliyinə qarşı hər hansı təhdid yaranarsa hücumların davam etdiriləcəyini bəyan ediblər.
Səhər saatlarında hücum
Eyni günün səhərində Livanın cənubunda bir motosikletə edilən hava hücumu nəticəsində bir nəfərin həyatını itirdiyi açıqlanmışdı.
Ateşkəs pozulur
Qeyd edək ki, 27 noyabr 2024-cü ildə qüvvəyə minmiş atəşkəsə baxmayaraq, İsrail ordusu Livanın cənubuna demək olar ki, hər gün hava və quru hücumları təşkil edir. Ordu, bəzi ərazilərdən qismən geri çəkilsə də, son toqquşmalarda ələ keçirdiyi beş strateji təpəni hələ də işğal altında saxlayır.
