İspaniya, İsrailin Baş nazir Pedro Sançesi antisemitizmdə suçlaması və iki ispan nazirinə ölkəyə giriş qadağası tətbiq etməsindən sonra Tel-Əvivdəki səfirini geri çağırmaq qərarı verib. Bu barədə Madridin Xarici İşlər Nazirliyi məlumat yayıb.
Nazirlik mənbələri bildiriblər ki, belə addım diplomatik böhranın daha da dərinləşməsinin qarşısını almaq və ölkənin siyasi mövqeyini qorumaq üçün atılıb.
İsrailin ittihamları gərginliyi artırdı
Xatırladaq ki, İsrail hökuməti Baş nazir Pedro Sançesi Qəzzaya dair sərt bəyanatlarına görə antisemitizmdə ittiham etmişdi. Bundan əlavə, iki ispan naziri – İspaniya hökumətinin üzvləri – ölkəyə girişdən məhrum edilib.
Bu qərar Madriddə ciddi narazılıq doğurub. Xarici işlər naziri Xose Manuel Albarez bildirib ki, “İspaniyaya qarşı irəli sürülən əsassız və böhtan xarakterli ittihamlar, eləcə də hökumət üzvlərimizə qarşı tətbiq olunan qəbulolunmaz qadağalar qarşısında bu addımı atmaq məcburiyyətində qaldıq”.
Madridin mövqeyi
İspaniya rəhbərliyi, İsrailin Qəzzaya qarşı həyata keçirdiyi hərbi əməliyyatlara dəfələrlə etiraz edib və mülki əhaliyə qarşı zorakılığın dayandırılmasını tələb edib. Baş nazir Pedro Sançes dəfələrlə bildirib ki, beynəlxalq ictimaiyyət Fələstin xalqının hüquqlarının qorunmasına daha qətiyyətlə yanaşmalıdır.
Mütəxəssislərin fikrincə, İspaniyanın səfirini geri çağırması, Avropa ölkələri arasında İsrail siyasətinə qarşı daha sərt mövqenin formalaşa biləcəyinin göstəricisidir.
Gözlənilən nəticələr
Analitiklər hesab edir ki, bu addım yalnız ikitərəfli münasibətləri deyil, həm də Avropa İttifaqının Yaxın Şərq siyasətinə təsir göstərə bilər. İspaniyanın mövqeyi digər Avropa dövlətləri üçün nümunə ola bilər və bölgədəki diplomatik dinamikanı dəyişdirə bilər.
Hazırda tərəflərin hansı istiqamətdə hərəkət edəcəyi və gərginliyin daha da artıb-artmayacağı diqqətlə izlənilir.
