Süleymaniyyədə partlayış baş verib
“Əl-Məyadin” telekanalının İraqdakı müxbirinin məlumatına görə, Kürdüstan Regionunun Süleymaniyyə şəhəri ətrafında güclü partlayış səsi eşidilib.
Məlumata əsasən, hücum İran əleyhdarı silahlı qrupun düşərgəsini hədəf alıb.
Ərbildə də partlayışlar qeydə alınıb
Bundan əvvəl də “Əl-Məyadin” Ərbil şəhəri səmasında üç partlayışın baş verdiyini xəbər vermişdi.
Bildirilir ki, şəhərdəki ABŞ Baş Konsulluğunun hava hücumundan müdafiə sistemi partlayıcı maddə daşıyan pilotsuz uçuş aparatını zərərsizləşdirib.
İran mediası da hücum barədə məlumat yayıb
İranın “Tasnim” xəbər agentliyi də media mənbələrinə istinadən bildirib ki, İraqın şimalındakı Süleymaniyyə vilayətində İrana qarşı fəaliyyət göstərən kürd qruplaşmalarının qərargahları hücuma məruz qalıb.
Hadisə nəticəsində itkilər və dağıntılar barədə hələlik rəsmi məlumat açıqlanmayıb.
