İraq Hizbullah Briqadalarının (Kətaib Hizbullah) Baş katibi bölgədə baş verən proseslər və İrana qarşı mümkün müharibə ilə bağlı yazılı açıqlama yayımlayıb.
Açıqlamada şərqdə və qərbdə mövcud olan bütün imanlı qüvvələrin və müqavimət qruplarının genişmiqyaslı bir qarşıdurmaya hazır olmalarının vacibliyi vurğulanıb, İranın “ümmətin qalası və izzəti” olduğu bildirilib və bu ölkəyə dəstək çağırışı edilib.
Baş katib İrana qarşı istənilən hücumun sadə bir müharibə olmayacağını qeyd edərək, belə bir cəhdin düşmənlər üçün ağır bədəllər və bölgədə geniş qorxu mühiti yaradacağını bildirib. Açıqlamada mücahidlərə tam hazırlıq vəziyyətində olmaları çağırışı edilərək, dini mərcələr tərəfindən cihad çağırışı edildiyi təqdirdə müharibəyə qoşulmaq və bütün növ müdafiə əməliyyatlarına hazır olmaq tələb olunub.
Kətaib Hizbullahın açıqlamasında həmçinin, İrana qarşı başlanacaq bir müharibənin yalnız bu ölkə ilə məhdudlaşmayacağı, qarşıdurmaların bütün bölgəyə yayılacağı barədə xəbərdarlıq edilib.
