Dünya, 28 fevral tarixindən etibarən Amerika və İsrailin İrana hücum etməsindən sonra Amerikanın inanılmaz dərəcədə şişirdildiyini və İranın da inanılmaz dərəcədə kiçildildiyini görmüş oldu.
Amerika, hazırlıq etmədiyi üçün çox danışaraq açığını örtməyə çalışarkən uduzur.
İran isə, möhtəşəm hazırlıq gördüyündən az və ağıllı cavablar verərək qazanır.
İran, bu hücum üçün 47 ildir hazırlıq görərkən, Amerikanın eyni müddəti hazırlıq etmədən sadəcə İranı təhdid edərək keçirdiyi artıq daha aydın başa düşüldü.
Beləliklə Amerikanın “tək ölçü hamıya uyğundur” müharibə və hücum strategiyası dəhşətli şəkildə çökmüş oldu.
Hücumların birinci ayını geridə qoyarkən, danışıqlar aparmaq üçün yalvaran Amerika, danışıqları sabotaj edən İsrail, çarəsizcə çabalayan və müdafiəsiz qalan Körfəz ölkələri, çaşqın və təsirsiz bir Avropa, tərəfini yanlış seçən Hindistan, güclənən Çin ilə Rusiya, yatırımlarını hara yönəltməli olduğunu bilməyən minlərlə investor və artıq bütün kozları əlində toplamış bir İran var qarşımızda.
İran, bütün tarazlıqları qalıcı olaraq dəyişdirməyi bacardı.
Artıq Amerika heç vaxt əvvəlki Amerika olmayacaqdır.
Qarşımızda bizə təqdim edildiyi kimi dünyanın ən güclü ordusu,
dünyanın ən etibarlı müttəfiqi və alternativi olmayan pul vahidi yoxdur!
O günlər bir ay içində geridə qaldı….
Çünki, başqa ölkələrin torpaqlarında Amerikan hərbi bazalarının olması bir təhlükəsizlik zəmanəti olmadığı kimi Amerika üçün həmin ölkələrin canlı qalxan kimi istifadə edildiyi ortaya çıxdı.
Dolların yerini Yuan, Körfəzdən gələn neftin yerini isə İran və Rusiya nefti alır artıq.
Bunların hamısı Amerikanın bu hücumlara hazırlıqsız və səbəbsiz daxil olması nəticəsində baş verdi.
Əməliyyat İranda hakimiyyət dəyişikliyini təmin etmək üçün başladılarkən, çox qısa müddət ərzində 86 yaşlı dini lider Xameneinin 56 yaşlı oğlu ilə əvəz olunması ilə sadəcə nəticələndi.
Gözlənildiyi kimi hakimiyyət çökmədi, xalq küçələrə çıxdı, çıxdı çıxmasına amma “ölüm Amerikaya və İsrailə” demək üçün tək ürək oldular.
Yəni, Amerikanın məqsədi İranda daha gənc bir Xameneinin hakimiyyətə gəlməsi olmadığı kimi dini liderinin öldürülməsi də çox ciddi strateji səhv idi.
Bu uğursuzluq azmış kimi, hazırda əməliyyatın yeganə hədəfi əvvəllər açıq olan Hörmüz boğazının yenidən açılmasına yönəldildi.
İran, hücumdan əvvəl xəbərdarlıq etdiyi kimi Amerikan bazalarını hədəf alaraq və xüsusilə sosial mediada yayımladığı qısa, mesaj yüklü yumoristik videolara Amerika cavab verə bilməyəndə, imici və nüfuzu artıq qalıcı olaraq dəyişdi.
İsrailə gəldikdə isə, Amerikanın dəstəyi olmadan Böyük İsrail layihəsini həyata keçirməsinin mümkün olmayacağını İran dünyaya göstərmiş oldu.
Avropaya baxdıqda, bütün gücünü yenə Amerikanın təsiri ilə daxil olduğu, lakin qazanılması mümkün olmayan Ukraynaya sərf etdiyindən, bu dəfə Amerikaya verəcək nə dəstəyi, nə də gücü qalmadığını göstərdi.
Körfəz ölkələri də bəlkə də bu hücumlardan ən çox zərər görən ölkələr sırasına daxil oldu.
Təkcə neft satışları əngəllənmədi, 1973-cü ildə Amerika ilə etdikləri müdafiə qarşılığında PETRO-DOLLAR razılaşmasının əslində bu qədər il tək tərəfli tətbiq edildiyini gördülər.
İllərlə onlar Amerikan dollarını qoruyarkən, məlum oldu ki, özləri qorunmasız imişlər.
Amerika prezidenti Trampın xüsusilə Səudiyyə Ərəbistanı şahzadəsi Məhəmməd bin Salmana “Mənim arxamı yalayacağını heç düşünməzdim” sözləri də Amerikanın Körfəz ölkələrinə baxışını ilk dəfə bu qədər açıq şəkildə göstərdi.
Buna görə də İran, İkinci Dünya Müharibəsindən sonra qurulan yeni dünya nizamının artıq sonuna gəldiyini göstərdi; xüsusilə Orta Şərq ölkələri varlıqlarını davam etdirmək üçün köhnə düşmənlərlə yeni dostlar, köhnə dostların isə artıq düşmən olduğunu qəbul etməli olduqları günlərdən keçir. İran geri dönüşü olmayan şəkildə bütün tarazlıqları dəyişdirdi.
