Bıçaqlama və avtomobillə vurma hadisələri
İordan çayının qərb sahilində və işğal altındakı Fələstin ərazilərində təhlükəsizlik vəziyyəti yenidən gərginləşib. Məlumata görə, iki ayrı hadisə zamanı işğalçılar yaralanıb.
Hadisələrdən biri işğal altındakı ərazilərin mərkəzində yerləşən “Ramat Qan” məskənində baş verib. Burada baş verən bıçaqlama hadisəsi nəticəsində bir məskunlaşanın ağır yaralandığı bildirilir.
Digər hadisə isə Nablus şəhərinin cənubunda yerləşən Zəatra nəzarət məntəqəsi yaxınlığında qeydə alınıb. Məlumata görə, burada bir işğalçılar avtomobillə vurma hadisəsi nəticəsində yaralanıb.
Sionist rejim qüvvələri hadisədən sonra avtomobildə olan iki gəncə atəş açdıqlarını və onların hücum etməyə çalışdıqlarını iddia ediblər.
İşğalçı rejim qüvvələrinin reydləri və həbslər
Eyni gün sionist rejim ordusu İordan çayının qərb sahilinin müxtəlif bölgələrində reydlər keçirib və bir sıra fələstinliləri saxlayıb.
Fələstin xəbər agentliyinin məlumatına görə, sionist rejim qüvvələri Tulkərim şəhərində və Şuveykə qəsəbəsində yaşayış məhəllələrinə daxil olub. Bundan əlavə, əl-Xəlil şəhəri, Beytləhm bölgəsində yerləşən Dura və Təqu qəsəbələri, Qalqiliyyə yaxınlığındakı Azzun qəsəbəsi və Səlfit bölgəsində yerləşən Mərda kəndində də reydlər aparılıb.
Bu əməliyyatlar zamanı ən azı 14 fələstinlinin saxlanıldığı bildirilir.
Nablusda evlərə basqın
İşğalçı rejim qüvvələri Nablus şəhərinə də daxil olaraq bir neçə yaşayış evində axtarış aparıb. Axtarışlardan sonra hərbi qüvvələrin şəhərdən geri çəkildiyi bildirilib.
Məskunlaşanların hücumları
Bölgədə məskunlaşan işğalçıların fələstinlilərə qarşı hücumlarının da artdığı qeyd olunur. Məlumata görə, Nablusun cənub-şərqində yerləşən Duma kəndində məskunlaşanlar bir məscidi yandırıb və divarlara təhqiramiz şüarlar yazıblar.
Fələstin Vəqflər Nazirliyi bu hadisələrlə bağlı açıqlama yayaraq bildirib ki, xüsusilə Ramazan ayı ərzində İordan çayının qərb sahilində məscidlərin yandırılmasına yönəlmiş cəhdlər sistemli şəkildə artır.
Nazirlik bu hadisələrin fələstin torpaqlarına nəzarəti genişləndirməyə yönəlmiş siyasətin bir hissəsi olduğunu iddia edir.
Humanitar vəziyyətlə bağlı narahatlıq
Beynəlxalq agentliklər və hüquq müdafiə təşkilatları da bölgədə vəziyyətin gərginləşdiyini bildirir. Məlumata görə, işğalçılar regionda tətbiq edilən hərəkət məhdudiyyətlərindən istifadə edərək fələstinlilərə hücum edirlər.
Hərbi nəzarət məntəqələrinin çoxluğu və yolların bağlanması təcili tibbi yardım briqadalarının hadisə yerlərinə çatmasını çətinləşdirir.
Fələstin Səhiyyə Nazirliyinin məlumatına görə, ABŞ və sionist rejimin fevralın 28-dən İrana qarşı başladığı müharibədən sonra İordan çayının qərb sahilində məskunlaşanların hücumları nəticəsində azı 5 fələstinli şəhid olub.
