HƏMAS: “Bu hücum dəniz quldurluğu və terror aktıdır”
HƏMAS rəsmi bəyanat yayaraq, İsrailin Qəzzaya humanitar yardım aparan “Qlobal Kararlılıq Donanması”na qarşı hücumunu kəskin şəkildə qınadı. Açıklamada, İsrail ordusunun gəmilərə müdaxilə etməsi, fəalların və jurnalistlərin saxlanılması “xain hücum, dəniz quldurluğu cinayəti və açıq terrorizm” kimi qiymətləndirildi.
İsrailin “soyqırım və aclıq siyasəti”
Bəyanatda vurğulanıb ki, İsrail 2 ildən çoxdur Qəzza zolağında soyqırım və aclıq siyasəti həyata keçirir. Donanmadakı gəmilərin isə sırf mühasirəni yarmaq və təcili yardım aparmaq məqsədi daşıdığı qeyd olunub.
Beynəlxalq ictimaiyyətə çağırış
HƏMAS İsrail donanmasının müdaxiləsini “dünyanın bütün azad xalqları tərəfindən pislənməli cinayət” adlandıraraq beynəlxalq ictimaiyyəti bu məsələ ilə bağlı etiraz aksiyaları keçirməyə çağırdı.
BMT və beynəlxalq qurumlara müraciət
Bəyanatda Birləşmiş Millətlər Təşkilatı və digər beynəlxalq qurumlara da müraciət edilərək, İsrailin donanmaya hücumunun qınanması, fəalların qorunması və Qəzzadakı soyqırımın, aclığın dayandırılması tələb olundu.
Hücumlar davam edir
Qeyd edək ki, İsrail ordusu ötən gündən etibarən “Qlobal Kararlılıq Donanması”nın bir çox gəmisini qanunsuz şəkildə ələ keçirib və onlarla beynəlxalq fəalı saxlayıb.
